پەيغەمبەرلىك بېشارىتى. پەيغەمبەرلىك ئالامىتى.
قۇرئان كىرىم.
يەھيا ئىبنى ئەكسەم مۇنداق دەيدۇ: ئابباسىلارنىڭ خەلىپىسى مەئمۇننىڭ دەۋرىدە ئوردىدا مۇنازىرە سورۇنلىرى بولاتتى، سورۇنغا خەلىپە مەئمۇن ئۆزى رىياسەتچىلىك قىلاتتى، بىر قېتىملىق مۇنازىرە سورۇنىغا كىشىلەرنىڭ قاتارىدا كېيىم-كېچەكلىرى رەتلىك، پاكىزە، خۇشپۇراقلىق، كېلىشكەن بىر يەھۇدىي كىردى، ۋە پاساھەتلىك گۈزەل ئىبارىلەر بىلەن سۆزلىدى، سورۇن ئاخىرلاشقاندا، مەئمۇن ئۇ كىشىنى چاقىرىپ: سەن ئىسرائىلىيمۇ يەنى يەھۇدىي؟ دەپ سورىغان ئىدى، ئۇ كىشى: شۇنداق دېدى، مەئمۇن ئۇنىڭغا: ئەگەر مۇسۇلمان بولساڭ ساڭا نۇرغۇن ھەدىيە-سوغىلارنى بېرەتتىم دەپ ياخشىلىقلارنى ۋەدە قىلدى، لېكىن ئۇ يەھۇدىي: بەلكى مېنىڭ ۋە ئاتا-بوۋامنىڭ دىنى ياخشى دەپ مەئمۇننىڭ تەكلىپىنى رەت قىلىپ كەتتى.
ئارىدىن بىر يىل ئۆتكەندە ئۇ يەھۇدىي مۇسۇلمان بولغان ھالەتتە كەلدى، ۋە سورۇندا پىقھى ۋە ھەدىس توغرىسىدا ناھايىتى ياخشى سۆز قىلدى، سورۇن ئاخىرلاشقاندا مەئمۇن ئۇنى چاقىرىپ: سەن ئۆتكەن كۈندىكى يەھۇدىي ئەمەسمۇ؟ دېگەندە، ئۇ: شۇنداق مەن شۇ دېدى.
مەئمۇن: سېنىڭ مۇسۇلمان بولۇشىڭغا نېمە سەۋەپ بولدى؟ دەپ سورىغان ئىدى، يەھۇدىي: ئۇنداق بولسا مېنىڭ سۆزۈمگە قۇلاق سالغىن ۋە ئاللاھۇ ئەكبەر دېگىن، مەن ئۆتكەن قېتىم سېنىڭ سورۇنۇڭدىن چىققاندىن كېيىن، بۇ دىنلارنى سىناشنى-ئىختىبار قىلىشنى ياخشى كۆردۈم، مېنىڭ خېتىم بەك چىرايلىق، مەن تەۋراتتىن ئۈچ نۇسخا يازدىم، بۇ جەرياندا تەۋراتتىكى بەزى سۆزلەرنى قىسقارتىۋەتتىم ۋە بەزى سۆزلەرنى قېتىپ قويدۇم، كىتابنى يېزىپ بولغاندىن كېيىن ئۇنى چېركاۋغا ئېلىپ بېرىپ ساتتىم، ئۇلار مەندىن كۆچۈرۈلگەن تەۋراتنى سېتىۋالغاندىن كېيىن كىتابنى ئوقۇپ باقماستىن ۋە يېنىدىكى ئەسلى نۇسخىلىرىغا سېلىتۈرۈپ باقماستىن ئىلىپ كېرىپ كەتتى، ئاندىن شۇنىڭغا ئوخشاش قىلىپ ئۈچ نۇسخا ئىنجىل يازدىم ئۇنىڭغىمۇ بەزى سۆزلەرنى قاتتىم ۋە بەزى سۆزلەرنى قىسقارتىۋەتتىم، كىتابنى يېزىپ بولغاندىن كېيىن ئۇنى خرىستىئانلارنىڭ ئىبادەتخانىسىغا ئاپىرىپ ساتتىم، ئۇلارمۇ كىتابنى ئېلىپ ئوقۇپ باقماستىن ۋە يېنىدىكى ئەسلى نۇسخىلىرىغا سېلىتۈرۈپ باقماستىن ئىلىپ كېرىپ كەتتى، ئاندىن شۇنىڭغا ئوخشاش قىلىپ ئۈچ نۇسخا قۇرئان كىرىمنى يازدىم، ئۇنى قۇرئان يازىدىغانلارنىڭ يېنىغا ئاپارسام، ئۇلار: بىز بۇنى ئوقۇپ، بۇ يەردىكى نۇسخىلارغا سېلىشتۇرۇپ ئاندىن ساڭا پۇل بېرىمىز دەپ. قۇرئاننى ئوقۇپ خاتالىرىنى، زىيادە قىلغان ۋە قىسقارتىۋەتكەن جايلارنى تېپىپ مەن يېزىپ كەلگەن قۇرئاننى كۆيدۈرۈۋەتتى ۋە تاس قالدى مېنىمۇ ئۆلتۈرۈۋەتكىلى، شۇ ۋاقىتتا ئاللاھنىڭ كىتابى بولغان قۇرئان كىرىمنىڭ ئاللاھ تەرىپىدىن ساقلىنىدىغانلىقىنى بىلدىم، بۇ ئىش مېنىڭ مۇسۇلمان بولۇشۇمغا سەۋەپ بولدى دېدى.

دلائل النبوة قصة يحيى بن اكثم
مترجمة باللغة الايغورية