شرح متن الدروس المہمہ لعامۃ الامۃ (عام مسلمانوں کے لیے اہم اسباق): اس کتاب کے مؤلف ڈاکٹر ہیثم بن محمد جمیل سرحان ہیں۔ یہ کتاب درحقیقت شیخ ابن باز رحمہ اللہ کی’’الدروس المہمہ لعامۃ الامۃ‘‘ نامی کتاب کی شرح ہے جس میں انہوں نے فقہ، عقیدہ، سلوک اور ان مسائل کا ذکر کیا ہے جن کی معرفت ہر مسلمان کو ہونی چاہیے۔
فاضل مؤلف نے اسے ٹیبل، فہارس اور تقسیمات کی شکل میں خوبصورت انداز میں ترتیب دے کر قارئین کے سامنے پیش کیا ہے۔ اس میں انہوں نے کتاب کے ابواب میں مذکور دلائل وآثار کے مجموعی مقاصد اور اجمالی معنی کا ذکر کیا ہے، اور ہر قسم کے بعد انہوں نے قاری کی صلاحیت پرکھنے کی خاطر سوالات تیار کیے ہیں۔
اس کتاب کی ایک بڑی خوبی یہ ہے کہ اسے تطویل لا طائل اور اختصار مخل سے بچتے ہوئے بڑی چابکدستی کے ساتھ معتدل انداز میں تیار کیا گیا ہے۔