ھەر سێ پسیارێن قەبری و ھەر چوار بنەما و شكێنەرێن ئیسلامێ :
پەرتوكەكە ب زمانێ كوردی بادینی، ژ نڤیسینا دكتور ھەیثەم سەرحانییە، و ڤان مەسەلا ب خوڤە دگریت:
١- ھەر سێ پسیارێن قەبری :
نامیلكەكا ب بھایە ئەو بنەما یێ ب خوڤە گرتین یێن كو فەر ل سەر مروڤا بزانن و ئەون یێن كو دناڤ قەبری دا دێ پسیار ژێ ھێنە كرن، و جورێن عیبادەتان یێن كو خودێ فەرمان پێ ل مە كرین و ڕونكرنا پلەو پایسكێن دینی.
٢- ھەر چوار بنەما:
نامیلكەكا كورتە بنەمایێن تەوحیدێ و نیاسینا وێ ڕوندكەت، و ھەر وەسا ھندەك گومانان ئەوێن موشرك خو پێڤە گرێددەن و بەرسڤا وان.
٣- شكێنەرێن ئیسلامێ :
مەتنەكێ كورتە بەحسی ھندەك مەزنترین مەسەلێن مەترسیدار دكەت ل سەر ئاینێ مروڤێ موسلمان، و ژ بلی كو مەزنترینە و مەترسیدارترینە بەربەلاڤترینە ژی و گەلەك ژ مروڤان دكەڤنە تێدا، ئەڤجا دڤێت مروڤێ موسلمان ژێ ھشیار بیت و ژێ ب ترسیت ل سەر نەفسا خو.
نڤيسەرى ب شێوەيەكێ جوان يێ چێكرى ب شێوازێ خشتا و تەقسيماتا، تێدا بەحسى مەقاصدێن كوللى و مەعنايێن ئيجمالى يێ كرى، و پشتى ھەر ناڤبڕا مەتنەكى ھندەك ڕاھێنان داناينە، ئەڤە ھەمى بێ كورتيەكا ھوسا كو ڕامانێ درست نە گەھينيت يان درێژييەكا ب مەلەل.