القرآن الكريم

Куран бул эң кадырлуу, эң сыйлуу сөз болуп саналат, анткени ал Аллахтын сөзү, эң кадырлуу периште (Жебреил عليه السلام) аркылуу түшүргөн, пайгамбар-элчилердин эң кадырлуусунун (Мухаммаддын ﷺ) жүрөгүнө, эң кадырлуу жерде (Меккеде), эң кадырлуу убакытта (Рамазан айында), эң кадырлуу түндө (Кадыр кечесинде), эң кадырлуу тилде (араб тилинде) түшүрүлгөн. Аллах-Таала жиндер менен инсандарды ага окшогон бир эле сүрө ойлоп таап эрегешүүгө чакырды, бирок алар андай кыла алышпады. Анын сакталып калуусун Аллах Өзү кепилине алды, жана кылымдар бою эч ким ага бир тамга кошуп же кемитип коё алган жок. Ал 114 сүрөдөн турат, ал-Фатиха сүрөсүнөн баштап ан-Нас сүрөсү менен аяктайт. Аны окууну Аллах-Таала өзүнө жакындата турган ибадат кылып койду, бир окулган тамга үчүн он сооп жазылат.