Alkʋrɑɑn wɑgellã yɑɑ bõe?
Alkʋrãan wagellã, yẽ yaa Wẽnd goamɑ, sẽn yaa bõn-naandsã Naanbã la b
Naandã, A sik-a-la nabiyaam-rãmbã la tẽn-tʋʋmbã Pidsdã zugu a Mohammad
-Wẽnd pʋʋsg la A tɩlgr be a yĩnga- bʋɩl yĩng t'a na vẽneg n wilg ninsaalbã
bũmb ning yĩng Wẽnd sẽn naan-ba, la sẽn na yɩl n leb n kãnd-ba n tʋg bũmb
ning b zu-noog sẽn be a pʋgẽ, Dũni zug la Laahre, n leb n na n põsg-b n yi zubeed ning sẽn ka tar tεk kũumã poorẽ wã, la Alkʋrɑan me la Wẽnd Gaf-rãmba
baasgo, sigbã wεεngẽ. A sɩdgdɑ Gaf-rãmb nins sẽn reng taoorã, n kell n yẽesd
b Šari-rãmbã.
Alkʋrãan wagellã yaa tagmase, ɑ yaa yel-solemd sẽn ka tar tεka, a yaa
tagmas sẽn wilgd Wẽnd Tẽn-tʋʋm a Mohammad (Wẽnd pʋʋsg la A tɩlg be a
yĩnga) nɑbiyɑɑmdemã. Wẽnd geesa zĩn-dãmbã la ninsaalbã tɩ b wa ne a bilg-ntaar n konge. A pʋs n yeel-b lɑme, tɩ b wa ne baa tɩ yaa sẽn wõnd wala Sʋʋra a
yembr bal sẽn be a pʋgẽ, la b konga rẽndɑ.
Gõdgr la toeeng nug ka ta-a ye, a sẽn siga tεka sẽn yɩɩd yʋʋm 1400, a na n
leb n paame me, t’ɑ yaa sẽn pɑɑm gũubu, n kell n be ne Laarabiimd ning a sẽn
sig ne wã. Bala yaa Wẽnde (A Naam yɩlgame n zẽke) n rogl A Meng Alkʋrãanã
gũubu, n tʋg n tãag zãmaanã baasgo.
La Alkʋrãan wagellã, yẽnda la yẽg bedre, lɩslɑɑngã pʋga, n leb n yaa tikr
ning sẽn tɩʋʋsd ninsaalbã vɩɩmã la a bʋʋd-ɑ (b vɩɩmã) zãmaan la zĩig fãa pʋgẽ, a
boondame n tʋgd tɩ b tũ Soabã sẽn yaa Naandã A Yembr Tãa, Alkʋrãɑn vẽnegdɑ
bũmb ning ninsaal sẽn tar tʋlsem ne-ɑ, n na n tũ n bãng a Soabã la a dĩinã. A
wilgd dũni wã naaneg sɩngre, la ninsaal naanegã lolengo lɑ ɑ wakat-rãmbã, la ɑ
togsd yel-soondɩ sẽn reng taoor la sẽn na wate. Alkʋrɑɑn togsdɑ nabiyam-rãmb
kʋdemd sẽn reng taoore (tɩlgr be b yĩnga) la a wilgd yalẽ ning Wẽnd sẽn sõng-b
la A sẽn halk b bεεbã to-to. tũudmã yẽgã, la tʋm-n-taarã soɑyã, la bool-n-tʋg zʋg
sõmbsã, wã fãa bee Alkʋrɑɑn pʋgẽ. Sẽn le be Alkʋrɑɑn pʋgẽ me, yaa bugsg toortoor n yi zʋg-wẽnse, la baasgã sẽn na n yɩ a soab yaoolem rãɑrã; maa tɩ yaa arzãn
sẽn yaa sɩd-kõtbã zaka, maa tɩ yaa Bugum sẽn yaa wẽgdbã la kɩfr-rãmbã zaka.
Tɩʋʋsgo
Gaf-kãngã sẽn yaa zɩsg tɩ Wẽnd sik-a ne Laarabiimdã, yɑɑ Gaf Wẽnd sẽn
sagl tɩ b taas-a ninsɑɑlbã; a sẽn loe zugã yĩnga. Rẽ n so tɩ tõnt sũur noom ne
foom a karemd wɑgelle, tɩ d na n kõ foom a mɑɑnɑ wã sẽn lebg ne fo buudã
goamde, n yols ɑ fɑsengã n kõ-fo, lɑ d leb n sɩdg a tɑɑsgã. Tʋʋmdã sullã nidga
pãng wʋsg a maanɑ wã faseng pʋgẽ, la a lebgrã pʋgẽ, lɑ tõnd tarɑ bãng-n-wãag
tɩ ninsaal tʋʋmde, ba yãmb sẽn nidg pãng to fãɑ, a na n kell n baasɑme bal n
kʋʋg koεεga. Sẽn pʋs n yɩɩd fãɑ, ned pɑ tõe n kõ Alkʋrɑɑnã mɑɑn-zɩsdã wɑ sẽn
sεgd ye, bala a yaa bũmb sẽn yɩɩd ãdem biig fãa tʋʋmde. La ned ning sẽn wa n
rat-a bãng-zulums nins Alkʋrãanã sẽn wa-ne wã n paase; d sagend-a lame t'a
karem Laarabiimdã, Alkʋrãanã sẽn sig ne gom-biis ninsã.
Ad tɩlgr be ne tẽn-tʋʋmbã, pẽgr me be ne Wẽnd sẽn yaa bõn-naandsã Soaalã.
Alkʋrãan wagellã bãngrã tigsgã sullã (Ãnsɩkolopedi)
F tõe yãnda Alkʋrɑɑnã moɑsã ne fo buudã gomde, tɩ f sã n eskane QR koodã
ne fo telefõndã kamera.
Tõnd sũur yɑɑ noogo, tɩ d sã n paam yãmb tɑgsgo, maa y gesgo, sẽn na yɩl n kẽng
ne goamã lebgr taoore, lɑ rẽ yɑɑ sẽn tũud ne ges-kãɑgã peem-lεεgã sẽn be Aɑyɑr
fãɑ tɑoorã, sẽn be Alkʋrãɑn wagellã bãngrã tigsg zĩigẽ wã Ẽntɛrnetã zugã